سفير مصر في الصومال يتحدث عن دور الخارجية في الإفراج عن الصيادين الصوماليين
فضلت صفحة كاملة ادور في تصريحات السفير عن دور مصر ملاقيش غير كلمة اتصالات مرة يقولك مع القراصنة ومرة يقولك مع عمدة النجع اللي الصيادين اتخطفوا فيه وشوية يقولك اتصالات مع مكوجي واخد بنت واحد من القراصنة دول ويظهر كده إن سعادة السفير معاه خط فري 600 بتاع فودافون فقاللك اكلم القراصنة بعد الساعة اتناشر ....ياجماعة افرجوا عن الصيادين لان ده عيب وغلط علي فكرة....حرام والله انكوا تخطفوا ناس صيادين طيبين كده هتروحوا النار.....طب والله لو ماأفجرتوش عليهم لاكون زعلان منكم وواخد منكم خصم هه بقي
وطبعا علي مدار خمس شهور الاتصالات مجابتش نتيجة والصيادين افرجوا علي نفسهم بس اهو برضه فيه دور للخارجية
محافظ السويس ومحافظ دمياط وحمدين صباحي في استقبال الصيادين لدي عودتهم في المينا
وبيقولك إن حمدين صباحي والمحافظ مصبروش لحد مالصيادين ينزلوا من المركب فطلعولهم وخدوهم بالحضن من فرحتهم .....اه ياحبايبي حمدالله علي سلامتكوا داحنا مستنيين حاجة زيكو كده من شهور عشان نطلع في التلفزيون ونمشي في الزفة بتاعتكوا
بأوامر من الرئيس مبارك نقل الصيادين لمستشفي علي أعلي مستوي للكشف عنهم والتاكد من صحتهم وحالتهم
ياريس العيال الصيادين رجعوا من الصومال......خلاص خدوا دي تتقري في نشرة ستة وتسعة
أرسل السيد الرئيس برقية تهنئة للصيادين المصريين أعرب فيها عن إعجابه وتقديره لجهودكم قائلا لقد تابعت والخارجية والمخابرات بطولاتكم مع القراصنة الصوماليين وأعجبني تصميمكم كما أعجبني أداء الفريق الضيف والتزامه بالروح الرياضية......الله لا ياريس الرسالة دي متنفعش إحنا معملناش للعيال دول حاجة
خلاص يبقي وديهم مستشفي نكشف عليهم كويس أوي ومتحرمش حد منهم من حاجة اللي عاوز حاجة ياخدها فيروس سي خنازير طيور مفيش مشكلة إن شالله لو طلبوا الطاعون نروح نجيبهلهم من ليبيا المهم نقف معاهم
إنتهاء إضراب هيئة عمال النقل العام وتشكيل هيئة للنظر في مطالبهم
طب ماكان من الأول لازم نفس المسلسل بتاع الأطباء والمدرسين والإداريين وتجار البليلة
مجاور لسائقي النقل العام المطالب لن تتحقق إلا بالحوار
ياإخواننا يإخواننا حقوقكوا هتاخدوها بس بالحوار والديمقراطية وأي حد عاوز حاجة يجيلي أنا أو سيادة الوزير مكتبي وهم يادوب عشرين سنة وهكون قابلته وعشرين زيهم وننظر في مطالبه وخمس بس بعدهم تكون المطالب اتحققت وأحفادكوا يعيشوا عيشة كريمة إنما بلاش إضراب وهمجية والهبل ده خلوا عندكوا صبر شوية الحياة مش سهلة اوي كده
وزير الاستثمار توفير الياميش والسلع الغذائية بأسعار تقل بخمسين في المية عن أسعار السوق
لا تعليق....راجع كيلو البطاطس والعدس بكام دلوقت
إجراءات مكثفة لتوفير السلع في رمضان
برضه زي اللي فوق
أوباما يهنيء المسلمين برمضان
إن شهر رمضان من أعظم المظاهر الدينية في العالم وشوية كلام من نوعية الدين الحنيف وسماحة الإسلام والحتة الشديدة بقي موديل 2009 أية قرانية عشان نقول الله إيه الطعامة دي ده أوباما بيحب الإسلام ياولاه أمريكا بقت بتحب المسلمين ومش بعيد سنة في التانية تطلع أصوات تطالب إننا نحج للبيت الأبيض
واشنطن تدرس رفع العقوبات عن السودان
تحس كإن واشنطن بتدرس رسالة دكتوراة هتتناقش في طب المنصورة وكل شوية تترفض ....راجع عقوبات ليبيا وسوريا وإيران والعراق زمان
تنسيق بين الخارجية والمحامين لحماية حقوق المصريين بالخارج
تنسيق دي من الجمل الي مفيش مواطن مصري عارفلها معني لحد دلوقت يعني لما الخارجية والمحامين ينسقوا هيكون إزاي؟ مممممممم ممكن مثلا يقعدوا ووزير الخارجية لامم حواليه شوية محامين بصوا بقي يااخواننا إحنا مش معقول كل يومين رجالتنا هياخدوا علي قفاهم في حتة شكل لازم نجيبلهم حقهم وهنبدأ من دلوقت بإننا نقسم بعضينا مجموعات مجموعة هتمسك حقوق المصريين في الباطنية ومجموعة في الضاهر ومجموعة في الوراق ...إشطة؟ ....إشطة يابرنس
شريف عبد الفضيل لم أرغب يوما بالإنضمام للزمالك
والرغبة اللي كتبتها عشان العب في الزمالك والعقد اللي وقعته في يناير كل دول كانوا غضبن عني والله ده فيه ناس وحشين جم كتفوني وشربوني حاجة صفرا وممدوح عباس الوحش بقي يجيبلي إزازة كوكاكولا ويقوللي فيها إيه دي ؟ أقوله كوكاكولا يقوللي لا فيل ياعبد الفضيل ويروح ضاربني ففضلوا ورايا لحد ماوقعت لكن أنا من وانا في الرحم مكنش علي لساني غير قول الحق خليك جريء النادي الأهلي أحسن فريق
الحضري جمهور الاسماعيلي أعظم جمهور في مصر وأقرب الجماهير إلي قلبي
إمشي ياحضري .....تيت تيت ياحضري
عالي عالي عالي وصبحي السد العالي
من مظاهر الحب والعظمة لجمهور الدراويش تجاه الحارس الدولي يظهر إن الحضري طلع ماسوشي بيحب بتهزق ويتشتم
فضلت صفحة كاملة ادور في تصريحات السفير عن دور مصر ملاقيش غير كلمة اتصالات مرة يقولك مع القراصنة ومرة يقولك مع عمدة النجع اللي الصيادين اتخطفوا فيه وشوية يقولك اتصالات مع مكوجي واخد بنت واحد من القراصنة دول ويظهر كده إن سعادة السفير معاه خط فري 600 بتاع فودافون فقاللك اكلم القراصنة بعد الساعة اتناشر ....ياجماعة افرجوا عن الصيادين لان ده عيب وغلط علي فكرة....حرام والله انكوا تخطفوا ناس صيادين طيبين كده هتروحوا النار.....طب والله لو ماأفجرتوش عليهم لاكون زعلان منكم وواخد منكم خصم هه بقي
وطبعا علي مدار خمس شهور الاتصالات مجابتش نتيجة والصيادين افرجوا علي نفسهم بس اهو برضه فيه دور للخارجية
محافظ السويس ومحافظ دمياط وحمدين صباحي في استقبال الصيادين لدي عودتهم في المينا
وبيقولك إن حمدين صباحي والمحافظ مصبروش لحد مالصيادين ينزلوا من المركب فطلعولهم وخدوهم بالحضن من فرحتهم .....اه ياحبايبي حمدالله علي سلامتكوا داحنا مستنيين حاجة زيكو كده من شهور عشان نطلع في التلفزيون ونمشي في الزفة بتاعتكوا
بأوامر من الرئيس مبارك نقل الصيادين لمستشفي علي أعلي مستوي للكشف عنهم والتاكد من صحتهم وحالتهم
ياريس العيال الصيادين رجعوا من الصومال......خلاص خدوا دي تتقري في نشرة ستة وتسعة
أرسل السيد الرئيس برقية تهنئة للصيادين المصريين أعرب فيها عن إعجابه وتقديره لجهودكم قائلا لقد تابعت والخارجية والمخابرات بطولاتكم مع القراصنة الصوماليين وأعجبني تصميمكم كما أعجبني أداء الفريق الضيف والتزامه بالروح الرياضية......الله لا ياريس الرسالة دي متنفعش إحنا معملناش للعيال دول حاجة
خلاص يبقي وديهم مستشفي نكشف عليهم كويس أوي ومتحرمش حد منهم من حاجة اللي عاوز حاجة ياخدها فيروس سي خنازير طيور مفيش مشكلة إن شالله لو طلبوا الطاعون نروح نجيبهلهم من ليبيا المهم نقف معاهم
إنتهاء إضراب هيئة عمال النقل العام وتشكيل هيئة للنظر في مطالبهم
طب ماكان من الأول لازم نفس المسلسل بتاع الأطباء والمدرسين والإداريين وتجار البليلة
مجاور لسائقي النقل العام المطالب لن تتحقق إلا بالحوار
ياإخواننا يإخواننا حقوقكوا هتاخدوها بس بالحوار والديمقراطية وأي حد عاوز حاجة يجيلي أنا أو سيادة الوزير مكتبي وهم يادوب عشرين سنة وهكون قابلته وعشرين زيهم وننظر في مطالبه وخمس بس بعدهم تكون المطالب اتحققت وأحفادكوا يعيشوا عيشة كريمة إنما بلاش إضراب وهمجية والهبل ده خلوا عندكوا صبر شوية الحياة مش سهلة اوي كده
وزير الاستثمار توفير الياميش والسلع الغذائية بأسعار تقل بخمسين في المية عن أسعار السوق
لا تعليق....راجع كيلو البطاطس والعدس بكام دلوقت
إجراءات مكثفة لتوفير السلع في رمضان
برضه زي اللي فوق
أوباما يهنيء المسلمين برمضان
إن شهر رمضان من أعظم المظاهر الدينية في العالم وشوية كلام من نوعية الدين الحنيف وسماحة الإسلام والحتة الشديدة بقي موديل 2009 أية قرانية عشان نقول الله إيه الطعامة دي ده أوباما بيحب الإسلام ياولاه أمريكا بقت بتحب المسلمين ومش بعيد سنة في التانية تطلع أصوات تطالب إننا نحج للبيت الأبيض
واشنطن تدرس رفع العقوبات عن السودان
تحس كإن واشنطن بتدرس رسالة دكتوراة هتتناقش في طب المنصورة وكل شوية تترفض ....راجع عقوبات ليبيا وسوريا وإيران والعراق زمان
تنسيق بين الخارجية والمحامين لحماية حقوق المصريين بالخارج
تنسيق دي من الجمل الي مفيش مواطن مصري عارفلها معني لحد دلوقت يعني لما الخارجية والمحامين ينسقوا هيكون إزاي؟ مممممممم ممكن مثلا يقعدوا ووزير الخارجية لامم حواليه شوية محامين بصوا بقي يااخواننا إحنا مش معقول كل يومين رجالتنا هياخدوا علي قفاهم في حتة شكل لازم نجيبلهم حقهم وهنبدأ من دلوقت بإننا نقسم بعضينا مجموعات مجموعة هتمسك حقوق المصريين في الباطنية ومجموعة في الضاهر ومجموعة في الوراق ...إشطة؟ ....إشطة يابرنس
شريف عبد الفضيل لم أرغب يوما بالإنضمام للزمالك
والرغبة اللي كتبتها عشان العب في الزمالك والعقد اللي وقعته في يناير كل دول كانوا غضبن عني والله ده فيه ناس وحشين جم كتفوني وشربوني حاجة صفرا وممدوح عباس الوحش بقي يجيبلي إزازة كوكاكولا ويقوللي فيها إيه دي ؟ أقوله كوكاكولا يقوللي لا فيل ياعبد الفضيل ويروح ضاربني ففضلوا ورايا لحد ماوقعت لكن أنا من وانا في الرحم مكنش علي لساني غير قول الحق خليك جريء النادي الأهلي أحسن فريق
الحضري جمهور الاسماعيلي أعظم جمهور في مصر وأقرب الجماهير إلي قلبي
إمشي ياحضري .....تيت تيت ياحضري
عالي عالي عالي وصبحي السد العالي
من مظاهر الحب والعظمة لجمهور الدراويش تجاه الحارس الدولي يظهر إن الحضري طلع ماسوشي بيحب بتهزق ويتشتم
No comments:
Post a Comment